Biblioteka Publike
“Dritëro Agolli” Fier
Edukim
Kërkim
Shërbime
Mirësevini në bibliotekën tonë!
Biblioteka Publike Dritëro Agolli Fier.
Prej vitesh biblioteka e Fierit nuk është thjesht dhe vetëm një institucion në të cilin jepen dhe kthehen libra, por, përmes përkushtimit tonë ofrojmë shërbime referuese dhe informuese për komunitetin, programojmë veprimtari dhe organizojmë aktivitete të ndryshme për ngulitjen e vlerave me te mira njerëzore, morale e letraro-artistike. Me këtë mision Biblioteka Fier luan një rol të veçantë si qendër e të mësuarit gjatë gjithë jetës.
Biblioteka Publike Fier njihet të funksionojë që prej vitit 1948 dhe ka nje histori mbi 70 vjecare.
Që prej shkurit 2017 kjo bibliotekë mban emrin “Dritëro Agolli”, një prej shkrimtarëve më të njohur të letërsisë shqipe.
Në Bibliotekën Publike Dritëro Agolli Fier, funksionojnë sektori i librit shqip, për fëmijë, në gjuhe të huaja dhe sektori i periodikut, të cilët ofrojnë shërbimin e tyre për gjithë popullsinë e Bashkisë Fier dhe Njësive Administrative të saj.
AKTIVITETET TONA
Bibliotekat -Porta lokale drejt dijes
Ato sigurojnë kushte baze për mësimin gjatë gjithë jetës.
Qëllimi ynë parësor është të sigurojmë burime dhe shërbime të mediave të ndryshmepër të plotësuar nevojat e individëve dhe grupeve për edukim, informacion dhe zhvillim personal, përfshirë dhe çlodhjen dhe argëtimin.
Çfarë ofrojmë?
Ofrojmë udhëzime dhe trajnime se si të bëhet kërkimi dhe përdorimi e këtij informacioni dhe vlerësojnë cilësinë e burimeve të informacionit. Bibliotekat publike mund të thuhet se kualifikohen si parakushte të rëndësishme për një shoqëri demokratike të informuar.
Fëmijët – Lexuesit e së ardhmes
Dëshira për librin duhet ngulitur që në fëmijërinë e hershme, ndaj ata mbeten një nga grupmoshat më në qendër të aktiviteteve dhe synimeve tona. Kjo është arritur duke realizuar takime të shumta e të ndryshme me fëmijët e ciklit parashkollor, atij fillor e të lartë 9-vjecar.
Të rinjtë
Takime me të rinjtë në mjediset e Bibliotekës sonë, në shkolla, në parqe, në kafe mes miqsh, për të rrëfyer e ndarë me ta historitë që na kanë formuar e frymëzuar, histori të vërteta e të trilluara, që na ndriçojnë mendjen në realitetin e përgjithshëm.
Eventet e ardhshme
Lista me disa nga projektet tona më kryesore gjatë një viti
Dhjetor 2024: Takimi i fundvitit
Takim me lexuesit më të rregullt të Bibliotekës Publike Dritëro Agolli, për të cilët, bazuar në kartelat dhe statistikat e secilit sektor, ndahen cmimet “Lexuesi më i mirë i vitit”. Festa nuk mund te kuptohet pa dhurata dhe dhurata më e mirë është libri.
Figura të rëndësishme
Gjatë vitit
Takim kushtuar figurave të rëndësishme të shoqërise dhe familjes, si mësuesi, nëna, dita e të moshuarve, dita e të drejtave të fëmijëve, dita e rinisë
Ekspozita e librave të rinj
Pranverë
Ekspozita e librave të rinj çdo pranverë sjell një festë të vërtetë në shtëpinë e librit. Në një atmosferë pranverore qytetarët kanë mundësinë të shohin nga afër titujt më të rinj të librave që janë bërë pjesë e fondit të Bibliotekës
Vera jonë në Bibliotekë
Verë – Bibliotekë
Projekt veror që mbledh në mjediset e Bibliotekës fëmijë anëtare të saj, për t’u argëtuar e mësuar së bashku, nën kujdesin e punonjëseve dhe falë ndihmës së cmuar të vullnetarëve.
Në raft të librave kërkomë…
Tetor – Bibliotekë
Takime me rastin e ditëlindjes së Dritëro Agollit, emrin e të cilit mban institucioni ynë. Çdo vit ky takim vjen ndryshe, ku përveç poezi, këngë, kujtime e vlerësime, shoqërohen dhe me ekspozitë librash dhe sendesh personale të tij.
Takohemi për një libër
Gjatë Vitit – Bibliotekë, Muzeu Historik
Ky projekt kombëtar është përcjellë me takime të shumta e të larmishme, duke filluar që nga takimi në dhomën muze të Jakov Xoxës” , në Muzeun Historik Fier, deri te pasditet e lira të leximit në parkun e qytetit.
Konferenca Shkencore për 28-29 Nëntorin
Nëntor – Biblioteka Publike Dritëro Agolli
Konferenca Shkencore me rastin e Festave të 28-29 Nëntorit, duke sjellë një dritë ndryshe mbi figurat dhe ngjarjet e mëdha të kombit tonë, nëpërmjet pasqyrimit të tyre në penën e shkrimtarëve dhe historianëve të sotë
Të përzgjedhura nga stafi
Libra të rinj për të lexuar
Faji në yjet tanë
John Green
Leximtari
Bernhard Schlink
Ferma e Kafshëve
George Orwell
Ana Karenina
Leon Tolstoj
Përfshihu edhe ti
Ne në Bibliotekën Publike Dritëro Agolli Fier, kemi mirëpritur ndihmën e vullnetarëve nga persona të komunitetit për të ndihmuar punonjëset në procese pune të ndryshme. Për ta është hartuar një politikë e shkruar ku janë përcaktuar qartë detyrat e vullnetarit dhe marrëdhëniet e tij me veprimtarinë dhe punonjësit e Bibliotekës.
Puna vullnetare ka përfitime pozitive si për personat, ashtu dhe për komunitetin e shërbyer. Theksojme se vullnetarët nuk janë përdorur në asnjë rast për të zëvendësuar punonjëset.