Sot, më 17 janar, përkujtojmë përvjetorin e ndarjes nga jeta të Gjergj Kastriot Skënderbeut (1468), heroit tonë kombëtar dhe simbolit të pavdekshëm të qëndresës shqiptare.
Gjergj Kastrioti Skënderbeu ishte udhëheqësi që bashkoi principatat shqiptare dhe, për 25 vjet me radhë, mbrojti me vendosmëri trojet shqiptare nga Perandoria Osmane. Me trimërinë, mençurinë ushtarake dhe vizionin e tij politik, ai e shndërroi Shqipërinë në një pikë kyçe të rezistencës në Evropë.
Trashëgimia dhe kontributi i Skënderbeut janë të vështira të përmblidhen në pak rreshta. Si lider i shquar dhe strateg i jashtëzakonshëm, ai udhëhoqi një rezistencë të guximshme kundër pushtimit osman, duke lënë një gjurmë të thellë në historinë dhe kulturën shqiptare, si edhe në mbarë Ballkanin. Figura e tij mbetet një burim i pashtershëm frymëzimi për lirinë, identitetin dhe dinjitetin kombëtar.
Në përvjetorin e 558-të të vdekjes së Heroit tonë Kombëtar, Gjergj Kastrioti Skënderbeu, Biblioteka ka hapur ekspozitën me titull“Skënderbeu – Një Trashëgimi në Libra”.
Ekspozita do të qëndrojë e hapur nga 19.01.2026 deri më 26.01.2026.Ju ftojmë ta vizitoni!
0 Comments