Takim me shkrimtaren Mimoza Xhindi

Në kuadër të Muajit të Librit, Biblioteka Publike “Dritëro Agolli” vijon takimet letrare me autorë, duke sjellë pranë lexuesve krijimtarinë e tyre.

Këtë herë patëm kënaqësinë të mirëprisnim shkrimtaren Mimoza Xhindi, në një takim të veçantë kushtuar promovimit të disa prej titujve të saj letrarë.

Në një atmosferë të ngrohtë e miqësore, të afërm, miq, kolegë dhe dashamirës të librit u bënë pjesë e këtij takimi, duke ndarë emocione, mendime dhe vlerësime për krijimtarinë e shkrimtares.

Ftojmë autorët fierakë dhe më gjerë të bëhen pjesë e veprimtarive tona letrare e kulturore, duke kontribuar së bashku në pasurimin e jetës kulturore të qytetit dhe në promovimin e dashurisë për librin.

Biblioteka mbetet një vatër e dijes, e kulturës dhe e promovimit të vlerave letrare, ku autorët dhe lexuesit takohen përmes magjisë së fjalës së shkruar.